1.5. Dschingis Khan

Dschinghis Khan

   


Dschinghis Khan thaj e Mongoluri

 

 

 

 





Ando 1221to bersh, o Dschinghis Khan
reorganizujsardas e zorake strukturi. 35 bersha pala e angluni data
kana o Dschinghis Khan avilas ando regiono, e Ghazna Dinastia phagilas.


Maj but manusha zumade te len e zor, thaj mashkar lende sas vi e
Rum.Seldchukuri.

Manusha save sas phangle katar o teritorio/than thaj slobodime anda
sklavia, vaj soske kamenas te ratujn jekh rig anda e Imperecija, kerde
peske cikne emiraturi.

Kodi sas, shaj, e angluni var kana e Roma xashajle ande historija anda
kodod ke len nas len chi soske thana te mangen ande kodo regiono. O
than katar von avenas, o Pakistan ages, areslas te avel Islamichno,
thaj katar o Esto, e Mongoluri avile maj pashe. Len nas len chi sosko
shajpe sar te dzna vaj pasha e Rum-Seldchukuri vaj pasha e Mamelukuri
anda kodo ke te avel lenge maj feder.

E Imperecija katar o Dschinghis Khan avile anda Arabia ando Vesto ko
teritorio katar o Rum-Seldchuks thaj India ando Sudo, ande bare riga
save maj palal sas e Soviet Unia thaj vi e Moskova kaj shaj sas katani
katar e Mongoluri.



Kodo ke e “Sumnakune Horduri/Katani” sas kothe sehla
bershenge sas len efekto pe Roma. Specialno kana von dikhle sar marde
pes e duj fronturi ando 1221to bersh, thaj shaj von sas kothe sar
sklavuri ande satana kana o chavo katar o Chwaresm-Shahs, o Dschalal
al-di, mardas pes e Mongolonca, thaj jekh var aba nerisardas. Kado
maripe sas ando Parwan mashkar Ganza thaj Bamian, pala so e katani
aresle pes kothe. Shaj phenel pes ke e Roma sas rig anda kadi satana
savi mardas e Mongolon. Kado shaj del eksplanacija anda kodod ke von
astile ande Imperecija katar e “Rum-Seldchukuri” thaj maj
pala ande Ottomansko Imperecija.

E Mongoluri sas e sherutne e Inadiake dzi ando 1858to bersh, thaj e
Imperaturi sas anda Mogul famiglia, thaj kade nas chi sosko shjape te
dzan parpale ande lengo them.

Maj but sar shov milionari manusha sas e viktime katar e Mongolonge
katani. 

Romanes
Image: